Diyaranme
Çapa taybet a Mem û Zîna Ehmedê Xanî ji Weşanên Avestayê derket. Pirtûka ku Prof. Dr. Kadri Yıldırım amade kiriye bi kurdî-tirkî ye. Pirtûk bi pêşgotineke dirêj dest pê dike û ji gelek aliyan ve Mem û Zînê tehlîl dike.

Teksta Mem û Zînê a orijînal bi alfabeya latînî li milê çepê, wergera wê ya tirkî li hember wê, li milê rastê di eynî rûpelî de cih girtine. Di jêrenotan de mefhûmên girîng ên kitêbê hatine şirovekirin.

Pirtûk bi konseptek taybet, çapeke pir spehî di şeklê zîv de hatiye çapkirin. Pirtûk bi buhayeke maqûl tê firotin û kesên bixwazin dikarin ji buhayê diyarkirî kêmtir jî ji weşanxanê wergirin.

Mem û Zîn / Ehmedê Xanî / Werger û tehlîl: Kadri Yildirim / 426 rûpel