Diyarname
Hemû berhemên edebî ên Nûredîn Zaza, ên çapkirî û neçapkirî di pirtûkeke ku navê wê "Kurdên Nejibîrkirinê" lê hatiye kirin ji Weşanên Avestayê derket.

Di vê pirtûkê de hemû nivîsên Nûredîn Zaza, bi taybetî nivîsên wî yên edebî hatine berhev kirin.

Hin ji van nivîsên di pirtûkê de ji arşîva jinebiya Nûredîn, Gilberte Favre-Zaza; hin jî ji nameyên ku wî ji Kendal Nezan re şandine û yên din jî ji nivîsên wî yên Hawarê hatine deranîn û amade kirin.

Weşanên Avestayê ku "Kurdên Nejibîrkirinî" weşandiye wisa dibêje. "Çend sal berê, gava ku Nûredîn Zaza: Bîranîn ji destnivîsên wî hate amadekirin, me wiha bawer dikir ku êdî nivîsên Nûredîn Zaza yên neweşandî nemane. Lê Gilberte Xanim bi me da zanîn ku di destên wê de hinek deng (li ser kasetên kevn) û çend rûpel jî destnivîsên Nûredîn Zaza hene. Me ew deng guhdarî kir û tevî destnivîsên mayî, li ser kaxidê raxist. Di kasetê de tenê şi‘rek (Derketî) û şanoyek (Stêrk) hebûn. Ên din di wextê xwe de, di Hawarê de hatibûn belav kirin. Bi vî awayî hemû nivîs û destnivîsên wî yên dawîn jî em diweşînin."

"Kurdên Nejîrbikirinê" di vî warî de xebateke girîng e. "Kurdên Nejibîrkirî" gihîşt Fûara Pirtûkan a Amedê û kesên bixwazin dikarin ji standa Avestayê pirtûkê bibînin.
  
Kurdên Nejibîrkirinê / Nûredîn Zaza / 132 rûpel