Cîhan Roj

Nivîsa Mizgîn Ronakê (bianet) çîroka kurt dîsa anî rojevê.

Wexta çîrokên kurd û kurdî tê bîra meriv pê re dikarim van nîşeyan lê bikim:

Kurt an dirêj, belkî jî bîrxistina çîrokên fetisî an jî jenglêketî me bîne serê rêyek bi destpêk a çîrokên nû...

"Berdewamîya çîrokan" bi awayek, ji nû ve nivîsîna çîrokê û afirandina çîrokeke nû ye. 

Ger xwendin li wî astî be, gelek gêdûg li pey tê hiştin!

Qalibgotina,"ka pêşî nav lê bike" jî rastiyek din e... Ên dijîn an jî dixwînin ger nav lê nekin "çîrok" an difetise an jî tên û jeng lêdixe! 

Û a herî muhîm ew e kurtbûn û dirêjbûnê awa, feraseta xwendina me kifş dike!

Nîşeyek berbelav lê zêde bikim. Ji vegotin û şîroveya xewnên şevan, ber bi xwendnina çîrokên vî zemanî û hemî dewr û dewranan...

Çi cara peyv û hevok li xwendinê dibin sitêrk li tarî, xew û xewnan welatê dil, ruh û mejî şikil digire...

Not: Piştî belavkirina nivîsên li ser "kurteçîrokê" nivîskar Cîhan Roj li twitterê not belav kiribûn, me jê xwest wan bide hev û bişîne. Em wan belav dikin.

Di vê xalê de kesên li ser kurteçîrokê binivîsin hebin, em dikarin nivîsên wan belav bikin.

 *** 

Li ser meseleya çîrokên kurd nivîsên eleqedar:

- Rifat Arya nivîsî: Çîrokên Mînîmal 

- Ismaîl Badî nivîsî: Kurtirîn Çîrok 

- Mizgîn Ronak nivîsî: Çîroka Kurt