Diyarname

Li gor biryara UEFA'yê maça fînalê ya Lîga Şampiyona sala bê dê li Tirkiyeyê bê lîstin. Îra Wezîrê Sporê yê Îtalyayê Vincenzo Spadafora ji UEFA'yê xwest ku ji ber êrîşa Tirkiyeyê ya li ser Rojava maçê bigirin welatek din.

Li gor nûçeya ANSA'yê Spadafora li ser meseleyê nameyeke ji bo Serokê UEFA'yê Aleksander Ceferin re şand. Di nameyê de got ku piştî "êrîşên Tirkiyeyê yên il ser gelê kurd ê sivîl lîstina maçê li Tirkiyeyê guncav e yan na?" Wezîrê îtalî xwestiye maça ku dê 30'ê gulana 2020'an bê lîstin ji nû ve bê nirxandin û biryarek bê dayîn.

Wezîr di nameya xwe de gotiye ku tiştên dramatîk ên li Sûriyeyê diqewimin dê ji holê neyên rakirin û wisa gotiye: "Em hemû girîngiya vê maça muhîm a dinyayê dizanin, loma bila ji nû ve bê nirxandin."

Wezîr bal kişandiye ser biryara Yekîtiya Ewropayê ku êrîş şermezar kiriye û wisa dawî li nameyê aniye: "Fûtbola Ewropayê dê biryareke dilpola bide û nîşan bide ku spor amûreke aştiyê ye."

 **

Nûçeyên Eleqedar:

- Volkswagenê jî biryara xwe guhart 

- Çînê xwest şer raweste (agahiyên roja 7'an) 

- Buldan: We nava xwe de çi aştî çêkiriye dora bakurê Sûriyeyê ye 

- Trumpî tiştên ku dê bike eşkere kir 

- Saziyên sivîl ji Nisêbînê bang kirin (agahiyên roja 6'an) 

- Rêverberiya Xweser: Erka hikumeta Sûriyêye ku sînorê xwe biparêze 

- QSD: Bila qada navneteweyî gavên pratîkî biavêje 

- Kayhan Kelhor konsera xwe ya Stenbolê betal kir 

- Lîstikvanê navdar George Cloney jî ji bo kurdan deng bilind kir (Agahiyên roja 3'yan) 

- Ji banga Elî Qazî heta axaftina Trump, ji îro agahiyên derketine 

- 14 partiyên Başûr dest bi çalakiyan dikin 

- YE: Operasyonê bi dawî bikin 

- Dewleta Tirkiyeyê dest bi êrîşê Rojava kir