Diyarname
Zanîngeha Hekariyê sê jê bi kurdî pênc pirtûk çap kirin û bi van beşdarî Fûara Pirtûkan a Amedê bû. Ji van du jê li ser kurdolojî û ziman in, yek jî pirtûka matematîkê ye. Zanîngehê her wiha li Fûara Pirtûkan a Amedê jî stand vekiriye.

Zanîngehê heta pênc pirtûk çapkirin ku sê jê bi kurdî ne û niha van pirtûkan li fûarê pêşkêş dike. Vane her çar pirtûkên bi kurdî yên Zanîngehê:

KURDOLOJÎ:
Ev pirtûka akademîk ya ku bi lijneyeke zanistî û bi
berpirsiyariya Al. Doç. Dr. Îbrahîm Seydo Aydogan ve hatiye amadekirin, weşana gotarên konferansa kurdolojiyê ye ku par li Culemêrgê ji aliyê Zanîngeha Hekariyê ve hatibû lidarxistin.
Tê de gotarên li ser ziman, wêje, civak, dîrok, çand û berhemên kurdan 23 gotar hene. Kesên mîna M. Malmîsanij, Michiel Leezenberg, Ebdilwehab Xalid Mûsa, Behrooz Chamanara, Lezgînê çalî, Şahînê Bekirê Soreklî, Tosnê Reşîd, Jan Dost, Farhad Shakely, Munzur Cem, Îbrahîm Seydo, Hîwa Masîh û Golî Shadkam hin ji wan lêkolîneran in ku bi gotarên xwe ve
tev li pirtûkê bûne.
Di pirtûkê de beşekî taybetî ji bo kurdên
Xorasanê hatiye veqetandin û 4 gotar li ser dîrok û civak û ziman û wêjeya kurdên Xorasanê radiwestin. Pirtûk 328 rûpel e, 20 gotar bi kurdî (kurmancî, soranî, kirmanckî-zazakî) ne û 3 gotar jî bi ingilîzî
ne.
Ev cara yekem e ku li Tirkiyeyê zanîngeheke fermî bi navê "Kurdolojî" pirtûkekê diweşîne û vê peyvê dixe nava lîteratura akademîk ya Tirkiyeyê.

ZIMAN û WÊJEYA KURDÎ:
Ev pirtûk weşana gotarên Konferansa Ziman û
Wêjeya Kurdî ye ku tîrmeha 2010'an li Culemêrgê dîsa ji aliyê Zanîngeha Hekariyê ve hatibû lidarxistin. Pirtûk dîsa ji aliyê Lijneya Zanistî ve hatiye nirxandin û bi berpirsiyariya Al. Doç. Dr. Îbrahîm
Seydo Aydogan û Al. Doç. Dr. Selîm Temo Ergul ve hatiye amadekirin.
Pirtûk 150 rûpel e û tê de 11 gotar hene ku 10 ji wan bi kurdî (kurmancî, soranî, kirmanckî-zazakî) ne û yek jî bi ingilîzî ye. Hemû gotar li ser babetên bi ziman û wêjeya kurdî ve têkildar in û ji bilî
berpirsiyarên pirtûkê, herweha Samî Tan, Halkawt Hakeem, Hashem Ahmedzadeh, Eskerê Boyik, Suleyman Cevik, Roşan Lezgîn, Arjen Arî, Tahor Yaşar û Farhad Shakely tev li pirtûkê bûne.

MATEMATÎK'a KURDÎ:
Mamosteyê mametmatîkê Yusuf Soyvural, di bin banê
Zanîngeha Hekariyê ya Colemêrgê de pirtûka dersên Matematikê amade kir û bi xema kurmanciyê ev pêşkêşî hezkirên zimanê kurdî kir. Pirtûka ku bi 6 beşan ve mijarên matematîkê fêr dike, her wiha cih daye
ferhengokeke terîm û têgehên ku hatine bikaranîn jî. Di pirtûkê de piştî her beşî ezmûnek heye û encam jî di dawiya pirtûkê de hatine dayîn. Pirtûka Matematîkê li gora mufredata dersên matematîkê hatiye amadekirin û 154 rûpel e.

Her wiha Zanîngeha Hekariyê gotarên Konferansa Jinan bi navê "Uluslararasi Kurt Kadini Kongresi" ku di sala 2009'an de li dar xistibû bi û pirtûkek jî bi îngilîzî "THE EAST WHISPERS, story and legends from the East" weşandiye.