Qamişlo
Li Qamişloyê, bi beşdariyeke girseyî ya şêniyên bajar û bajarokên herêma Cizîrê yên Dêrik, Amûdê, Dirbêsiyê, Çilaxa, Til Temir, Tirbespiyê, Girkê Legê, Qamişlo û Hesekê çalakiya ji bo daxwaza mafê perwerdeya bi zimanê kurdî hat lidarxistin.
Beşdar li pêşiya Stadyuma Şehîdên 12'ê Adarê ya li Qamişloyê kom bûn. Çalakî ji hêla Însiyatîfa Gel ve bi dirûşma “Zimanê me nasnameya me ye” pêk hat.
Wan pankartên “Zimanê me nasnameya me ye”, “Zimanê me pêşeroja me ye”, “Xwîna şehîdan zimanê me parast”, “Zimanê me rûmeta me ye” û “Bê ziman jiyan nabe” rakirin.
Di çalakiyên de hin axaftin hatin kirin. Va ne ew axaftin:
BÊYÎ ZIMAN MIROV NIKARE XWE ÎFADE BIKE
- Ji Însiyatîfa Gel Yûsif Kûtê: “Her giyayek li ser bingeha xwe şîn dibe, mirov jî li ser zimanê xwe, bêyî ziman mirov nikare xwe îfade bike, bêyî ziman kes nikare çanda xwe binivîse û kesek nikare bêje ez heme. Ji ber vê yekê ziman hebûn û nasnameya me ye, mafê hemû gelan e ku bi zimanê xwe bixwîne, binivîse û pê re bijî.”
EM BANGA HIKUMETÊ DIKIN KU ZIMANÊ ME QEBÛL BIKE
- Ji Meclisa Malbatên Şehîdan Mihemed Ebas: “Em bi navê şehîdên xwe yên ku ji bo ziman û dîroka kurdan canê xwe feda kirin we silav dikin, me di Şoreşa Rojava de karîbû gelek dezgehan vekin û sîstema xwe ava bikin, me gelek têkoşîn kir, banga me ji hikumetê re ew e ku zimanê me qebûl bike û nas bike.”
'EM BIRYARA HIKUMETA VEGUHÊZ QEBÛL NAKIN'
- Berdevka Kongra Star Gulistan Gulo: “Yek ji destkeftiyên Şoreşa Rojava û Şoreşa Jin zimanê kurdî ye. Ev yek bi berxwedanan bi hezarên şehîdan hatiye bidestxistin, di şoreşê de gelê kurd perwerdeya xwe bi zimanê kurdî didît û nifşeke ava kir, ji ber vê yekê em biryara hikumeta veguhêz qebûl nakin, ev biryar bi hişmendiyeke desthilatdar a ku dixwaza gel bi rengekî tenê bi rê ve bibe, hatiye girtin.”
XWENDEKAR: EM VÊ BIRYARÊ RED DIKIN
- Li ser navê xwendekaran xwendekara bi navê Silava Elî: “Me çavê xwe li ser perwerdeya bi zimanê xwe vekir, em bi zimanê xwe têkoşîn dikin û pê serkeftinan ava dikin, em vê biryarê red dikin, ev biryar ne di cihê xwe de ye, em ne tenê zimanê kurdî dixwazin, em dixwazin perwerdeyê bi zimanê xwe yê kurdî bibînin.”
'BIRYAR NE ADILANE YE'
- Li ser navê mamosteyan, mamoste Rojîn Mihemed Mûsa: “Biryara hikumeta li Şamê ne biryareke adilane ye. Heke zimanê kurdî çû, hebûn, dîrok û çanda gelê kurd jî diçe, ji bo ku şoreşa Rojava, şoreşa ziman bi ser bikeve ji 15 salan ve mamoste û xwendekar li ser pêyan e, em ê xwediyê zimanê xwe bin, divê her kurdek ji bo zimanê xwe yê kurdî serî hilde.”
TEWRAT; ÎNCÎL Û QURAN Û ZIMAN
- Kongreya Îslama Demokratîk Şêx Umer axivî: “Tewrat, Încîl û Quran behsa parastina aştî û ewlehiyê ya li ser vê xaka mubarek kiriye, her wiha behsa mafê mirovan ê zimanê dayikê jî kiriye û ew wê wekî mafekî rewa yî ji bo hemû mirovan dibîne.”
Hin nûçeyên eleqedar:
- Zanîngeha Rojava: Em amade ne materyalan wergerînin kurdî
- Mamoste û xwendekaran bang kir: Vê biryarê rawestînin
- Vê carê deng ji Qamişlo, Amûdê, Çilaxa, Dêrik û Til Temirê bilind bû
- Li Rojava dibistanan bi boykotê dest pê kir
- Çalakî: 'Vê biryarê biguherînin'
- Waliyê Hesekê û mamosteyên zimanê kurdî civiyan
- Li 5 bajarên Rojava kurd ji bo ziman li kuçeyan bûn
- Li Amûdê gel, li Hesekê mamoste ji bo ziman daketin kuçeyan
- Partiyên siyayî yên Kobanî: Em biryara sê saetan a ji bo dersa kurdî red dikin
- Zanîngeha Rojava dijî biryara Wezareta Perwerdehiyê derket
- PYD: Divê destûra nû ya Sûriyeyê bi zelalî kurdan wekî neteweyek yekgirtî nas bike
- Afîşên Mîhrîcana Fîlman a Rojava hatin belav kirin
- Ebdî: Zarok wê bi zimanê xwe bixwînin
- Helîm Yûsiv: Gelo Rojava têkdiçe?
- Helîm Yûsiv: Aliyên kurd çi dikin, wê çi bikin? (Gelo Rojava têkdiçe?)
.jpg)
.jpg)
