Diyarname
Festîvala Fîlman a Payîzê "Fîlmekîmî" vê mehê diçe sê bajaran. Ji gelek festîvalên navdar fîlmên xelatgir li festîvalê têne nîşandayîn.

Filmekimî îsal di navbera 9-18’ê ve mehê li Stenbolê, di 15-18’ê mehê de  li Enqereyê, di navbera 22-25’ê mehê de li Îzmîrê û di 22-25’ê mehê de jî li Mêrsînê li dar dikeve.

Fîlmê derhêner Cristian Mungiu ê bi navê  "Fjord" ku li Festîvala Fîlman a Cannesê xelat Palmiyeya Zêrîn girt ji têde gelek fîlmên ji gelek festivalan li Fîlmekîmiyê ne.

Va ne hinên derkevin pêş:
"FJORD"
“Fjord”, fîlmê Mungiu ye ku li Cannesê xelat girt û niha li Filmekimiyê.
Du lîstikvanên ku bûne berendamên Oscarê di serlîstikaniyê de ne: Reinsve, ku bi performansa xwe di fîlmên wekî “The Worst Person in the World”, “Sentimental Value” û “Backrooms” de hatiye naskirin, di vî fîlmî de ye. Lîstikvan Sebastian Stan jî piştî ku di Gerdûna Sînemayî ya Marvelê de rola “Bucky” lîst û paşê bi “The Apprentice”ê Serokê Dewletên Yekbûyî yên Amerîkayê Donald Trump anî ser perdeya spî, vê carê dikeve cîhana Mungiu.
Reinsve rola jineke norwecî dilîze ku bi hevjînê xwe (Stan) û pênc zarokên xwe re bar dike bajarokeke peravê ya biçûk. Ew bi hev ve girêdayî ne. Zarokên wan ên ciwan di demeke kurt de nêzî malbateke cîran dibin, lê li dora baweriyên hişk ên malbatê nerehetiyê mezin dibe. Bi derketina îdîayên îstismara li ser zarokan, malbat bi pergaleke dadkirinê re rû bi rû dimîne ku tê de sînorên di navbera fikar û pêşdaraziyê de her diçe tarî dibin. 
Fîlm wê rojê 9, 12, 15 û 18’ê mehê li Atlas 1948, Paribu Art, Sînema Kadıköy û Cinewam City’s Nişantaşi bê nîşandayîn.

"Wild Horse Nine"
“Wild Horse Nine”, fîlmê derhênerê xwediyê Xelata Oscarê Martin McDonagh e. McDonagh berê fîlmên wekî “In Bruges”, “Seven Psychopaths” û “Three Billboards Outside Ebbing, Missouri” kişandibûn
John Malkovich, Sam Rockwell û Steve Buscemi di fîlm de dilîzin. Fîlm piştî ku li Festîvala Fîlmê ya Venedîkê ji bo “Şêrê Zêrîn” ket pêşbaziyê, niha wê li Stenbolê bê nîşandayîn.
Fîlm dema berî derbeya 1973'yan ya li Şîlî tîne pêş temaşevanan. Malkovich û Rockwell rola ajanên CIA’yê yên bi navê Chris û Lee dilîzin. Herdu ji aliyê serokê ofîsê (Buscemi) ve ji Santiago ji bo Girava Paskalyayê tên şandin. Du hevkarên ku bi salan bi hev re dixebitin, bi rabirdûya xwe ya tarî û komployên ku tê de ne re rû bi rû dimînin. Girêdana nû ya Chris bi du xwendekaran re (Mariana di Girolamo û Ailín Salas) gefê li planên her kesî dixwe.
Fîlm wê roên 16, 17 û 18’ê mehê li Paribu Art, Sînema Kadikoy û Atlas 1948'ê bê nîşandayîn.

"Naza
“Naza” belgefîlmê derhênerên xwediyê Xelata Oscarê Yuval Abraham û Rachel Szor e. Ew li Festîvala Fîlman a Venedîkê hatibû nîşandayîn û bi ser 20 deqeyî re temaşevanan li çepikan dabûn.
Belgefîlmê ku bi şev li ser banên Tel Avîvê hatiye kişandin, rewşa li Xezeyê tîne ber çavan. Di belgefîlm de hevpeyvînên bi 24 leşkerên ku di îstîxbarata leşkerî ya Îsraîlê de xebitîne re jî cih digirin.
Fîlm wê rojên 11, 15, 17, 18 û 22’yê mehê li Cinewam City’s Nişantaşi, Atlas 1948, Sînema Kadikoy, Paribu Art û Paribu Cineverse Forum Mersin bê nîşandayîn.

"Fatherland"
Derhêner Pawel Pawlikowski, ku hez dike li ser cîhana hundirîn a karakteran raweste, bi “Fatherland”ê tê Filmekîmiyê
Di fîlm de Sandra Huller serlîstikvan e. Piştî ku li Festîvala Fîlmê ya Cannesê ji bo Palma Zêrîn di pêşbaziyê de bû li ser têgehên nasname, sûcdarî, malbat û evînê disekine. Fîlm bûyerên ku bi vegera nivîskarê xwediyê Xelata Nobelê Thomas Mann dest pê dike; Mann di sala 1949’an de piştî şer cara yekemîn vedigere Almanyayê. Keça wî Erika jî pê re ye û Almanyayeke parçekirî li pêşiya wan e. Bav û keçik ji Frankfurtê ya di bin desthilata Dewletên Yekbûyî yên Amerîkayê de ber bi Weimarê ya di bin kontrola Sovyetê ve diçin û Pawlikowski atmosferake cuda diafirîne. 
Fîlm li ser navê Polonyayê bûbû berendamê Oscarê. Ligel Huller, August Diehl, Devid Striesow  û Anna Madeley jî hene.
Fîlm rojên 9, 15, 17 û 22’yê mehê Sînema Kadikoy, Atlas 1948, Cinewam City’s Nişantaşi û Paribu Cineverse Mavibahçe ya Îzmîrê tê nîşandayîn.