DiyarName.Com

Her ku agahiyên muhîm tên ev nûçe tê nûkirin:

18.00: Macron, Merkel û Johnson dê ligel Erdogar hevdîtinê çêbikin

Serokomarê Fransayê Emmanuel Macron êrîşa Tirkiyeyê ya li hemberî Rojava wekî dînîtî bi nav kir û got: "Ger DAIŞ carek din zindî bibe berpirs Tirkiyey ye."

Macron got ku em wekî Ewropa ji bo Tirkiyeyê bînin nav pozîsyoneke maqûl bi hev re kar dikin û got: "Li ser Tirkiyeyê me biryareke hevbeş girt. Em çekfirotina ji bo Tirkiyeyê da rawestandin. Ligel Merkel (Serokwezîra Almanyayê) û Johnson (Serokwezîrê Îngilistanê) me biryar da ku di hefteyên pêş de ligel Serokomar Erdogan hevdîtinê çêbikin. Îhtîmal e li Londonê emê hevdîtinê çêbikin."
Macron di heman demê de got ku welatên Rojava û NATO'yê ev qeyran xirab bi rê ve bir û kurdên me yên mutefîk nîvê rêde hiştin ku ev yek dê bibe sedem ku em li qadê şirîkên ligel me şer bidin peyda nekin.

16.00: Serokomarê Çekyayê: Kurd ne terorîst in

Serokomarê Çekyayê Milos Zeman di televîzyonek de axivî got: "Serokomarê Tirkiyeyê Erdogan kurdah wekî 'terorîst' bi nav dike lê ez wisa nafikirin. Berevajî vê ez her jixwe dipirsim yên ku êrîşê kurdan dikin, siyasetmedara jin a kurd kuştin, wekî hovan mirovan dikujin terorîstin an na."

Zeman diyar kir ku DYA û YE'yê li hemberî kurdan îxanet kir û got: "Dema pêdiviya me bi wan ji bo şerê li dijî DAIŞ'ê hebû me ew rûmetdar kirin û niha em pişta xwe didin wan."

15.00: Tusk: Hevdîtina Pence-Erdogan ne li gor ev daxwazên me ye.

Serokê Konseya Yekîtiya Ewropayê (YE) Donald Tusk û Serokê Komîsyona YE'yê Jean-Claude Juncker berî peywira wan bi dawî bibe cara dawî ligel rêberên Ewropayê hatin ba hev. Tusk li ser pirsek wisa got: "Li ser Tirkiyeyê ez naxwazim xirecirê zêdetir bikim an jî xirecirên nû derxim holê. Rewşa niha ya di navbera Tirkiye û YE'yê de ne xweş e. Em bên ser qaşo aştiyê, ez ne li benda vê bûm. Jixwe ev ne şerawestin e jî, bi vê dixwazin kurd çekan berdin. Divê em bi biryar bin. Em banga xwe ji bo Tirkiyeyê nû dikin ku bila operasyonê bi temamî bide sekinandin, leşkerên xwe bi paş ve bikişîne û li gor hiqûqa navneteweyî ya mirovî tevbigere. Hevdîtina Pence-Erdogan ne li gor ev daxwazên me ye."

14.00: Sedî 61'ê amerîkî: Divê em kurdan biparêzin

Rojnameya USA Today û Kompaniya Lêkolînê Ipsosê bi hev re lêkolînek çêkir. Li gor lêkolînê sedî 54'ê gelê li DYA'yê difikirin ku bi biryara Trump a vekişîna leşkeran ji Sûriyeyê îtîbara DYA'yê xira bûye. Sedî 61'ê gelê DYA'yê baweriya wan e ew e ku divê DYA kurdan biparêze.

Lêkolîn rojên 16-17'ê mehê ligel 380 Demokrat, 413 Koparparêz, 112 Serbixwe bi temamî ligel 1006 hilbijêrî hatiye çêkirin û para xetayê sedî 3.5 hatiye qebûlkirin.

13.00: Rêberên YE'yê: Tirkiye bila operasyonê rawestîne

Rêberên Yekîtiya Ewropayê (YE) li Brukselê hatin ba hev û di dawiya hevdîtinê de danezanek belav kirin. Têde wisa gotin: "YE tevgera leşkerî ya yek alî a Tirkiyeyê ya li hemberî bakurê rojhilatê Sûriyeyê şermezar dike. Ev tevger ewlehiya YE'yê û têkoşîna li hemberî DAIŞ'ê tehdîd dike.

Rêberên YE'yê wisa got: "Em dîsa bang dikin ku Tirkiye dest ji operasyonê berde, leşkerên xwe bi paş ve bikişîne û li gor hiqûqa navneteweyî tevbigere. Em biryara rawestandina çekan a Konseyê ku di 14'ê mehê de hatibû girtin bibîr dixin.

09.30: Senator Murphy: Bi vê biryarê kurd bi tenê hatin hiştin

Li ser biryara di navbera Tirkiye û DYA'yê ya li ser Rojava de Senatorê Connecticutê Chris Murphy ji ser twittera xwe re wisa nivîsî: "Bi sernavê nexapin, peymanê bixwînin. Ev teslîmbûn e. Navbera dane şer ji bo kurd ji ser axa xwe veqetinin e. Ma aliyê wê yê muhîm ew e ku dema Trumpî kurd xapandin destûr dide ku 120 saet li kurdan nedin? Vê peymanê kiriye ku Tirkiye demek dirêj axa kurdan dagir bike."

09.15: Şaban: Ev dagirkirin e

Şêwirmenda Serokdewletê Sûriyeyê Beşar Esad a bi navê Buseyna Şaban ji bo televîzyona al-Mayadeen axiviye û meseleya "herêma bi ewle" wekî "dagirkirin" bi nav kiriye.

Nûçeyên Eleqedar:

- Hunermendên kurd bang kirin: Bibin yek

- Vane notên dawî yên li ser Rojava (roja 9'an)

- Volkswagenê jî biryara xwe guhart

- Wezîrê Îtalyayê: Fînala Lîga Şampiyonan bila ne li Tirkiyeyê be

- Cîgirê Trump û Wezîrê Karên Devre tê Tirkiyeyê (roja 7'an)

- Buldan: We nava xwe de çi aştî çêkiriye dora bakurê Sûriyeyê ye

- Trumpî tiştên ku dê bike eşkere kir

- Saziyên sivîl ji Nisêbînê bang kirin (agahiyên roja 6'an)

- Rêverberiya Xweser: Erka hikumeta Sûriyêye ku sînorê xwe biparêze

- QSD: Bila qada navneteweyî gavên pratîkî biavêje

- Kayhan Kelhor konsera xwe ya Stenbolê betal kir