DiyarName.Com

Ev nûçe her tê nûkirin...

22.10: AKP, CHP, MHP û Îyî Partî bi hev re ne

Her çar partiyên li Meclisa Tirkiyeyê bi hev re daxuyaniyek weşandin û biryara Parlemena Ewropayê (PE) şermezar kirin. PE'yê êrîşa Tirkiyeyê şermezar kiribû (ji bo nûçeyê li agahiyên jêr binêrin)

Her çar partiyên li Meclisa Tirkiyeyê piştgirî dan daxuyaniya hevbeş, lê li meclisê tenê HDP'ê piştgirî neda.

22.00: Erdogan: Emê Mazlûm Kobanî ji DYA'yê bixwazin

Serokomarê Tirkiyeyê beşdarî kanaleke tirk bû û wisa got: "Terorîstê bi kodê xwe MazLûm bi bultena sor lêgerîn li ser heye. Divê Amerîka wî teslîmê me bike. Wezareta Edaletê nivîsan dê bişîne DYA'yê û emê ji wan Mazlum Kobanî bixwazin teslîmê me bike."

Li gor nûçeyên hatibûn belavkirin Trumpî general Mazlûm Kobanî vexwendibû Washingtonê û ferman dabû ku zûtir vîzeyê wî amade bikin.

21.00: 'Bila hêzên navneteweyî herin Serêkaniyê û Girê Sipî

Rêveberiya Xweser a Bakur û Rojhilatê Sûriyê bang li civaka navdewletî û Neteweyên Yekbûyî kir ku hêzeke navdewletî û serbixwe bişîne herêmên Serêkaniyê û Girê Spî da ku şênî vegerin warê xwe. Her wiha bang li rêxistinên mirovî kir ku werin Bakur û Rojhilatê Sûriyê alîkariya koçberan bikin û karesetên mirovî li herêmê bibînin.

20.30: Wezîra Alman: Kramp-Karrenbauer: Soçî bi kêr nehat

Di civîna Wezîrên Parastinê yên NATO'yê de Wezîra Parastinê ya Almanyayê Annegret Kramp-Karrenbauer axivî û got ku li hevkirina Tirkiye û Rusyayê ya li Soçî nekarî aştiyê bîne û bingehek ji bo çareseriya siyasî saz nekir. Wê got ku hevpîşeyê wê yên îngilîz û fransiz jî wisa difikirin.

20.00: Serketerê NATO'yê: Li Sûriyeyê çareseriya siyasî divê

Îro Civîna Wezîrên Parastinê yên NATO'yê li Brukselê li dar ket. Piştî civînê Sekreterê Giştî yê NATO'yê Jens Stoltenberg civîna çapemeniyê li dar xist. Stoltenberg got ku li ser Sûriyeyê fikrên cuda hene, ev yek tiştek normal e, berê jî wisa çêbûye. Stoltenberg got ku me li hev kir ji bo çareseriya siyasî ya li Sûriyeyê xebat bêne xurtkirin. Her wiha diyar kir ku mutefîkan li hev kir ku serketinên li hemberî DAIŞ'ê hatine bi dest xistin bêne parastin.

19.00 PE dixwaze li hemberî Tirkiyeyê gav bêne avêtin

Mebûsên Demokratên Xiristiyan, Sosyal Demokrat, Lîberal, Kesk û Komunîstan ên li Parlemena Ewropayê (PE) bi hev re pêşnûmayek li hemberî Tirkiyeyê amade kirin. Pêşnûma li PE'yê bi piraniya dengan hat qebûlkirin.

Di pêşnûmayê de êrîşa Tirkiyeyê ya li ser Rojava hat şermezar kirin, êrîş li derveyî zagonên navneteweyî hat qebûlkirin, hat gotin ku ev êrîş dibe sedema bêîstîkrarî û bêwlehiya li herêmê ku di heman demê de rê dide DAIŞ'ê ku ji nû ve derkeve meydanê.

PE'yê bang li Tirkiyeyê kir ku di cih de û bi temamî dawî li operasyonê bîne. PE'yê bal kişand ser xebata HSD'ê ku li hemberî DAIŞ'ê têkoşiyaye.

PE'yê di biryarnameya ku girt de ji welatên Ewropayê dixwaze ku li hemberî Tirkiyeyê ambargoya ku hedefeke wê hebe saz bike. Her wiha PE dixwaze meseleya Yekîtiya Gumrikê ya di navbera Tirkiye û Yekîtiya Ewropayê de bê nîqaşkirin û bê rawestandin.
Ji aliyê hiqûqî ve tu fêdeya vê biryarê nîn e lê ji ber ku Ewropa li pişt e ji aliyê siyasî ve girîng e. Li aliyê din yekem car e PE li hemberî welatek berendam banga ambargoya siyasî û aborî dike û yekem car bi awayekî eşkere banga rawestandina Yekîtiya Gumrikê dike.

16.30: SenatorGraham: Herêma bi ewle divê di bin kontrola hêzên navneteweyî de be

Senatorê DYA'yê Lindsey Graham li ser Rojava axivî û got ku herêma bi ewle divê ne di bin kontrola Şam, Enqere û Moskovayê, divê di bin kontrola hêzên anvneteweyî de be. Graham li ser rola DYA'yê ya di vî warî de jî got ku welatê wî ne ji ser bejahî, ji asîmanê ve divê piştgiriya vê herêmê bike.

Graham di daxuyaniya nivîskî ku parve kir de wisa got: "Ger em bikaribin hem ewlehiya neteweyî ya Tirkiyeyê bigirin bin kontrolê, hem pêşî li kuştina etnîkî ya mutefîkên me kurdan bigirin dê ev yek bibe gavek dîrokî."

Graham diyar dike ku ger bîrên petrolê di bin kontrola DYA'yê de bin dê ev yek hem ji bo Sûriye, hem Îranê bibe derbeyek û wisa got: "Bi ji dahatûya petrolê em alîkariya HSD'ê bikin û bi beşek jê jî ji bo mîsyona leşkerên DYA'yê yên li Sûriyeyê bikar bînin."

16.00: Mebûsên îtalyan çîrokalaya tirkan avêtibû

Heyeta tirkan çîkolata biribû Parlemena Ewropayê (PE) û ew diyarî wan kiribû. Yek ji parlementeran Parlementerê Îtalyayê yê PE'yê Angelo Ciocca çîrokala girtibû dest, gotibû "li ser vê çîrokolatayê xwîn heye, ez vê diavêjim, hûn jî biavêjim" û li nava parlemenê firfirandibû erdê. Lê Serokatiya PE'yê ji ber vê helwesta wî 5 roj cezayê nehatina parlemenê da wî.

Nûçeyên Eleqedar:

- NY: 176 hezar kesî koç kir (Roja 15'an)

- Tiştên ji Soçî derketin, xalên daxuyaniyê (Roja 14'an)

- Siyasetmedarê alman: Bila leşkerên Ewropayê herin Rojava

- Wezîrê Alman: Operasyona Tirkiyeyê ne meşrû ye (Roja 13'an)

- Ciwan Haco bangî hunermendên dinyayê kir

- Meclisa Almanyayê: Operasyona Tirkiyeyê li dijî hiqûqa navneteweyî ye

- Di vê fotoyê de HDP'yî li ku ne?

- McGurk: Peymana Erdogan û Trump li ser 450x32 kîlometre ye (nûçeyên roja 12'an)

- Temaşevanên St. Pauli deng dan Rojava (roja 11'an)

- Sedî 91'ê almanan dixwazin ambargo bidin ser Tirkiyeyê

- Hunermendên kurd bang kirin: Bibin yek

- Serokomarê Çekyayê: Kurd ne terorîst in (roja 10'an)