DiyarName.Com

AMED

Navenda Koordînasyona Lezgîn a Amedê destnîşan diyar kir ku li şaredariyên wan kayûm tunebana wan dê baştir alîkarî bikara. Navendê banga alîkariyê kir û li aliyê din jî got 'Rewşa demokrafîk neguherinin'

Navenda Koordînasyona Lezgîn a HDP'ê li Amedê li ser erdhejê li Amedê daxuyanî da çapemeniyê.

Va ne hin gotinên derketine pêş;

- Ji ber polîtîkayên yekperest û polîtîkaya navendî desthilatdarî ji bo mudexeleyê erdhejê dereng ma.

- Rayedar, li Amedê saetên pêşî nehatine li ser kavilan ku tenê 6 avahî ketibûn. Mudexileya ku aliyê teknîkî de kêm mayî, piştî 13 rojan bi dawî bû û encama hilweşandina avahiyan de tenê li Amedê 409 welatî jiyana xwe ji dest dan.

- Kordînasyona me li her derê xebatên alîkariyê kir. Ji roja pêşî de ket nava tevgerê. Bi yek carî de me 180 qadên kombûnê diyar kirin û ji bo 120 cihan me heval peywirdar kirin.

- Amedê birînên xwe pêçandin û dest bi pêçandina birînên herêmên din jî kirin.

- Heke qeyûm tayînî ser şaredariyên me nehatibûna kirin dê gel birînên xwe zûtir derman bikira. Dewleta ku 3 rojên destpêkê qet nehat herêmên erdhejê niha jî alîkariyan asteng dike. Hewldana çend kesan a ku ji bo berjewendiyê hemû civakê bindest bike, encama polîtîkayên dagirkerî û şer e. Piştî vê erdhejê me careke din dît ku hemû gelan berdêla mezinbûna li ser aboriya şer û rantê didin.”

- AKP piştî piştî erdheja Marmarayê, ji ber erdhejê bûtedbîrî hat desthilatdarî. Ev 23 sal in hê ji wê karesatê ders dernexistine.

- Em bang li gelê xwe dikin ku li dijî oportunîstên ku hewl didin ji felaket û mexdûriyetê sûd werbigirin bibêjin ‘MALA MIN, MALA TE YE’.

- Em bang li xwediyên xaniyan dikin ku der barê heqê kirê de bi hestiyar bin û bi dilxwazî bi gelê me re hevkariyê bikin.

- Şert û merc pir giran in û divê em hevgirtinê di asta herî jor de bidomînin.”

- Hejmare zêde gelê me bê mal mane, divê em xwe bigihînin gelê xwe yê bê mal û bê cih maye.

- Bi darê zorê gelê me koçber dikin. Dibêjin 'Ji Amedê herin bajarên din’. Gelo wê xelk li wir çi bike? Em gazî rayedaran dikin ku bi demografî û erdnîgariyê nelîzin. Çi dibe bila bibe, divê em li ser axa xwe jiyana xwe bidomînin.

- Şaredariyên ku di destê qeyûman de bûn, nikaribûn alîkariyê bidin. Hemû gel jî dizane ku dewletê erk û wezîfeya xwe bi cih neaniye. Amedê ev hevgirtin di encama têkoşîna 50 salan de derxistiye holê. Dermanê me gelê me ye, rêxistina gelê me ye.

- Hîn bi sedan mirovên me di bin xirbeyan de ne, bi hezaran mirovên me li derve bê mal in, em li hev xwedî derkevin. Werin em destê xwe bidin destê hev û alîkariya gelê xwe bikin.

Navenda Kordînasyona Lezgîn: Rewşa demografîk negurehînin