Diyarname
Dîwaneke nû bi navê “Dîwana Behmûrî, Ristek Mircan û Morî” ji Weşanên Nûbiharê derket. Pirtûk ji aliyê Miftî Ebdurrehîm Cizîrî ve hatiye nivîsandin.
Miftî Ebdurrehîm Cizîrî di sala 1959’an de li gundê Behmûrê yê Cizîra Botanê hatiye dinê. Cizîrî 35 salan wezîfeya fermî kiriye û dûre di sala 2016’an de malnişîn bûye. Ji ber karê fermî wî helbest û xebatên xwe yên bi kurdî neweşandine, niha piştî manişînbûnê dest bi weşandina wan kiriye. Wekî xebata pêşî jî “Dîwana Behmûrî, Ristek Mircan û Morî” gihandiye ber destên xwendevanan.
Miftî Ebdurrehîm Cizîrî di helbestên xwe de piranî mexlesa “Behmûrî” bikar aniye loma jî navê pirtûkê “Dîwana Behmûrî” ye Wî kêm caran jî mexlesa Miftî bi kar aniye.
Ew pir di bin bandora Melayê Cizirî û Ehmedê Xanî de maye. Stîla wî bêtir dişibihe ya Melayê Cizîrî. Temayên helbestên wî bi piranî evînî ne; hinek ji wan jî welathebînî, civakî, şîret, fabl û mijarên dîtir in. Helbestên xwe bi wezna erûzê û bi qafiyê hûnane. Dîwana wî ya Dîwana Behmûrî Ristek Mircan û Morî muretteb e –yanî alfabetîk-e. Ji bil vê dîwanê, gelek helbestên wî yên neçapkirî jî hene.
Miftî Ebdurrehîm Cizîrî ji bilî helbestan, xebatên wî wekî werger ku çend kitêbên ilmî û edebî ji erebî û farisî wergerandine kurdî jî hene.
- Dîwana Behmûrî, Ristek Mircan û Morî / Miftî Ebdurrehîm Cizîrî / Nûbihar / 2025 / Helbest / 191 rûpel