Diyarname

Heyva Sor a Kurd ragihand ku 5 zarok li Kobanî ji ber serma û nebûna germkirin û pêdiviyên bijîşkî jiyana xwe ji dest dane û ji bo rakirina dorpêçê û parastina jiyana sivîlan banga destwerdana navneteweyî kir.

Di daxuyaniya ku saziyê belav kiriye de wisa hat gotin: "Rewş karesatbar e. Dorpêçkirina berdewam ji bo zarokên mayî, nexweş û kal û pîran cezayê mirinê ye."

Heyva Sor bang li civata navneteweyî û rêxistinên mirovî û mafên mirovan kir ku "tavilê destwerdanê bikin da ku dorpêçê bişikînin û sotemenî û pêdiviyên alîkariyê bigihîninê.”

Daxuyanî wisa didome: "Bêdengiya cîhanê li hember zarokên ku li Kobanî ji ber cemidînê dimirin, şermeke ku li dijî hemû peymanên navneteweyî û mirovî ye.”

Her wiha diyar kir ku karmend û tîmên wê yên alîkariyê amade ne ku piştigiriyê bikin û got: "Embar û pêdiviyên me amade ne. Tiştê ku me asteng dike dorpêç e ku nahêle em zarokan ji serma û mirinê rizgar bikin."

Heyva Sor a Kurd di dawiya daxuyaniya xwe de got: "Jiyana van 5 zarokan emaneteke di stûyê civaka navneteweyî de. Rê vekin, werin em tiştê ku dikare were rizgarkirin rizgar bikin.”
 

*

Hin nûçeyên eleqedar:

-- 24'ê mehê agahiyên li ser Rojava...

- Koma Berxwedan bi stran û peyaman piştgiriyê dide Rojava

-- 23'yê mehê agahiyên li ser Rojava

- 70 rexistinên li Ewropayê banga piştgiriya ji bo Rojava kir

-- 22'yê mehê agahiyên li ser Rojava yên derketine pêş...

- Heyetê li Rojava daxuyanî da: Divê her kes tevli berxwedana Rojava bibe

-- 21'ê mehê, nûçeyên li ser Rojava…

- Hevserokê DBP'ê Bayindir li Rojava axivî: Bila heyetên ji dinyayê jî bên vir

-- 20'ê mehê, nûçeyên li ser Rojava…

- Hevserokên DEM Partî ji ser sînor bang kirin: Vî şerî rawestînin

-- 19'ê mehê nûçeyên li ser Rojava...

- Xalên Peymana Şam û HSD'ê eşkere bûn, ewê îmze bikin? (18.01.2026)